წინასიტყვაობა მე (ტექნიკურად) ვეხმარებოდი ევგენი ჯუღაშვილს ამ წიგნის შექმნაში. ვინაიდან თითქმის 15 წლის მანძილზე ვიყავი გაზეთის მთავარი რედაქტორი და შესწორებული მაქვს დიდი რაოდენობის ხელნაწერი, რა თქმა უნდა, მსურდა გამემართა ბატონი ევგენის ხელნაწერიც, მით უფრო, რომ ჩვენ საბრძოლო მეგობრები ვართ. განსაკუთრებით მსურდა შემესწორებინა თავები, რომლებიც ეხებოდა მის მიერ პოლიტიკური საკითხების ხედვას, მაგრამ შემაკავა შემდეგმა.
ი.ბ.სტალინის შვილიშვილთაგან ე.ჯუღაშვილია ერთადერთი სრულყოფილი შვილიშვილი, რადგან ის არა მარტო სტალინის ერთადერთი თანამოაზრე შვილიშვილია, არამედ უკომპრომისოდ იბრძვის სტალინური იდეალებისთვის. მაგალითად:
“ 2013 წლის 3 აპრილს სტალინის შვილიშვილმა ევგენი ჯუღაშვილმა აღმოაჩინა, რომ მისი ბინის კარი უცნობის მიერ იყო გატეხილი. სასტუმრო ოთახში უწესრიგოდ ეყარა მუყაოს დაგლეჯილი ქაღალდები, რომლებშიც ჯუღაშვილების ოჯახის საარქივო მასალები ინახებოდა. მასალის ნაწილი დაიკარგა. ბინიდან გაიტანეს სამუშაო კომპიუტერიც. სხვა ელექტრონული ტექნიკა, ფული და ძვირფასეულობა, რომელიც ბინაში იყო, არ დაკარგულა. ცხადია რომ მძარცველების მიზანს წარმოადგენდა ინფორმაცია, რომელიც კომპიუტერის მეხსიერებაში ინახებოდა და ცალკეული საარქივო მასალები. “ კატინის სიმართლის ” ექსპერტები ბინის გატეხვას, სამუშაო კომპიუტერის და ჯუღაშვილების საარქივო საბუთების მოპარვას უკავშირებენ მის აქტიურ მოღვაწეობასთან ი.ბ.სტალინის პატივის და ღირსების დაცვის საქმეში. უპირველეს ყოვლისა, 2013 წლის 26 მარტის მის მცდელობასთან “ ხოვრინოს ” შინაგან საქმეთა განყოფილებაში აღეძრა სისხლის სამართლის საქმე ცილისწამებისთვის სტალინის ცრუ მონაწილეობაზე კატინის დახვრეტასთან ” იტყობინება ინტერნეტი და მასობრივი ინფორმაციის საშუალებები. ჩემის მხრივ დავამატებ, რომ არ იყო წაღებული მაგიდის უჯრაში შენახული 10 ათასი რუბლი და გამოსაჩენ ადგილზე მდგარი არყის და კონიაკის ბოთლები. როგორც ჩანს, ასეთი ბრძანება იყო უფროსებისგან ძვირფასეულობას და სპირტიან სასმელებს ხელი არ ახლოთ!
მახსენდება ასეთი მომენტი. ბოლო წლებში ხშირად მიწვევდნენ უსაფრთხოების ფედერალურ სამსახურში, დაკითხვები და გამოკითხვები კი მიმდინარეობდა კაბინეტებში, სადაც იმყოფებოდნენ ორი ან სამი თანამშრომელი. არაერთხელ მინახავს, როგორ კრავდნენ გამომძიებლები ტომებად მორიგ გაყალბებულ საქმეებს. ამასთან, ყოველი ტომი შეიცავდა 250 გვერდს. ასეთი სისქის მახათით გახვრეტა არარეალური იყო და ისინიც დადიოდნენ სხვადასხვა განყოფილებებში ბურღის საძებნელად. როგორც ჩანს, მთელ სამმართველოში მხოლოდ ერთი ბურღი იყო.
და აი, სტალინის შვილიშვილს კომპიუტერთან და საბუთებთან ერთად ბურღიც დაეკარგა...რა არ ხდება. გამოსაჩენ ადგილზე დადებული ფული და სასმელი არ წაიღეს, კარადის შიგნით მყოფი ბურღი კი აღმოაჩინეს. ნეტა ვინ იყო ეს? გასაგებია, რომ დამნაშავეები მილიციამ ვერ იპოვა. ძალიან ხართ გაკვირვებული, რომ ვერ იპოვა?
ამგვარად, ის, რომ ე.ი.ჯუღაშვილი სტალინის შვილიშვილია, ეჭვს არ იწვევს.
ამიტომ, სტალინის შვილიშვილის შეხედულებები, და ისიც კი, რას მიაქცია ყურადღება და რისი აღწერა გადაწყვიტა მოგონებებში ევგენი ჯუღაშვილმა, უკვე ისტორიულ ფაქტს წარმოადგენს. ამიტომ თავს არ მივეცი ამ ფაქტების კორექტირების უფლება.
განა საინტერესო არ არის წარმოვიდგინოთ, როგორი იქნებოდა იოსებ ბესარიონის ძე ჯუღაშვილი(სტალინი) და როგორ იცხოვრებდა ცხოვრების ბედუკუღმართობას რომ არ აეძულებინა გამხდარიყო ხალხის ბელადი. მინდა ხაზი გავუსვა, რომ მას არ სწყუროდა ბელადად გახდომა, ის აიძულეს: 1927 წლამდე სტალინმა სამჯერ განაცხადა უარი ამ ტვირთის ტარებაზე, მაგრამ ბოლოს დაემორჩილა ამხანაგების მოთხოვნას (განსაკუთრებულად გულმოდგინედ უარყოფდა ბელადის თანამდებობას 1927 წლის პლენუმზე). სტალინი გახდა ბელადი. დიადი ბელადი, და დიდი ბელადის ხელმძღვანელობით ხალხიც დიადი გახდა.
მე არ მოგითხრობთ, რაზეა წიგნი, თვითონაც წაიკითხავთ. მაგრამ მე მინახავს და წამიკითხავს ბევრი მემუარები, მათ შორის მცირე ზომის. მცირე მემუარისტები, ნაკლებ ცრუობენ და იხსენებენ ძირითადად იმას, თუ რამდენად ახლოს იყვნენ თავისი დროის დიად პერსონებთან, როგორ “ ლაზათიანად ” ცხოვრობდნენ და სარგებლობდნენ კეთილდღეობით, რომელიც მიუწვდრომელი იყო უბრალო მოკვდავთათვის. ან პირიქით როგორ ჩაგრავდნენ მათ დიდი პიროვნებები. ამიტომ მოგითხრობთ საერთო მომენტების შესახებ, რომელიც შეიძლება გამორჩეს მკითხველს.
უეჭველია, ევგენი ჯუღაშვილი შეხვედრია თავისი დროის ბევრ ძალაუფლების მატარებელ პერსონას, მაგრამ როგორც იხილავთ, საჭიროდ ჩათვალა გაეხსენებინა მხოლოდ ორი ერთი მათგანი იმიტომ, რომ მან არ უღალატა სტალინს, მეორე კი იმიტომ რომ უღალატა. მაგრამ როგორი სიყვარულით იხსენიებს ის თავის მეგორებს და იხსენებს იმიტომ, რომ ისინი მისი მეგობრები არიან!
ქართულმა თავისებურებამ აიძულა ევგენი აღეწერა უამრავი სუფრა, მაგრამ მიაქციეთ ყურადღება, რომ ის იშვიათად აღწერს რა მიირთვეს, სტალინის შვილიშვილისთვის ეს არ არის მთავარი. მაგალითად, ის ახასიათებს ქართული ღვინის ჯიშებს, დამზადების საშუალებებს, წარმოების ადგილმდებარეობას, მაგრამ თქვენ ვერ მიხვდებით, რომელი ღვინო მოეწონა უფრო მეტად. მან ერთადერთხელ აღნიშნა საჭმლის გემო და შესთავაზა მკითხველს ხაში ყველაზე იაფი საჭმელი. სტალინის შვილიშვილს მოსწონს