რენე მაგრიტი
70729
იმ იშვიათ დღეთაგანია, როცა... ოცდაოთხი საათი თავისუფალი აქვს. კაი ხანია, ღვიძავს (ინსტინქტურად 6:00-სთ-ზე ეღვიძება). ჭერში, ერთ წერტილს მიჩერებული, სიჩუმეს უსმენს – თავისი ქალაქის სიჩუმეს – გარეთ წვიმიანი, ნაცრისფერი, თებერვლის ამინდი დგას. ოთახში – წვიმის, ჩიტების ჟღურტულის, დროგამოშვებით სიარულის, საუბრის, სველ ასფალტზე მანქანების ჩავლისას სასიამოვნო, უეცარი შიშინი ისევ უეცრად წყდება, დროდადრო სიგნალების ხმები შემოდის.
(თავისი ქალაქის ჯაზს უსმენს)
მობილურის მაღვიძარას ხმა გაისმა. გაიჭიმა... ლოგინზევე მიყრილ-მოყრილი ქაღალდები შეათვალიერა, ხელგაწოდებულმა, თითებით იატაკზე ბალიში მოძებნა, მჩატედ მოისროლა. მოკრივის ღია მწვანე ტრუსების ამარა წამოჯდა. ტოტზე შავასოებიან წარწერას დახედა: "Say hello to my Big Ben!" ((ინგ.) უთხარი გამარჯობა ჩემ ბიგ ბენს (დიდ ბენს)) თვალები გააფართოვა: – O! (ოუუ!) – მისალმების ჟესტით წარმოთქვა: – H-E-L-L-O! (ჰელლოუუ!) ((ინგ.) გამარჯობა) – H-E-L-L-O! (ჰელლოუუ!) – ფშუკუნით ჩაღიმებულმა, კისერი ხელით მოისინჯა... ქაღალდებიდან ერთ-ერთს გადასწვდა, ფეხი ფეხზეგადადებულმა, მხარ-ბეჭი გაშალა, წარბის ზემოთ აშვერით შუბლი შეკრა, ძლევამოსილი გამომეტყველებით, იმიტირებული სიგარა მოქაჩა... ფურცელს თითები მოაშორა, სცენარი გაფრიალდა. ლოგინს გადაწოლილმა, ფანჯრიდან რუხით გადათეთრებულ ცას მთქნარებით ახედა.
მეოთხე წელია, რაც "Celebrity"-ობს ((ინგ.) ვარსკვლავი) , რასაც თავდაუზოგავი შრომით მიაღწია – ათი წელი (!!!!) მოანდომა ცნობადობის და როლების თავად არჩევის უდავო უფლებას... შედეგად, მაღალი თამასის დაკარგვის "შეფუთული ბაფთით" შიში მიიღო. მიუხედავად იმისა, რომ მთელი ცნობიერი სიცოცხლის განმავლობაში ემზადებოდა, პოპულარობის პირველმა წელმა კინაღამ სახურავი ახადა. თინეიჯერი Fan-ების ((ინგ.) თაყვანისმცემელი) ყვირილი, კივილი, წივილი დრომ თავისთავადად აქცია, Flash-ი ((ინგ.) ფოტოაპარატის ელვა) მისი ცხოვრების მეგზურია! ავტოგრაფებს ენთუზიაზმით
"ვირტუოზულად" იძლევა... ტანში ფეტიშის სითბომ დაუარა … მაგრამ ორმოცი წლის ასაკში ეს ყველაფერი, სიხარულთან ერთად, შფოთვასთან ამღვრეულ პროტესტის განცდას იწვევს; რატომ არ მოხდა ეს უფრო ადრე?! რამდენი ნიმფეტკა (ნიმფეტკა – ნაბოკოვის "ლოლიტა"-დან. ამ შემთხვევაში ახალგაზრდა, სიცოცხლით და ვნებით სავსე მაცდური ქალი) დაფარფატებს! მეტად წარმატებული G.F-ი ((ინგ.) მეგობარი გოგონა) ჰყავს. წინ წასული გეგმების გამო, მაინც Open relationship-ში ((ინგ.) ღია ურთიერთობა) ჩარჩნენ; სერიოზული ურთიერთობებისთვის არ სცალიათ; მით უკეთესი, არანაირი ვალდებულებები! თვალები დახუჭა... ისეთი ქალის აწყობა დაიწყო, რომლისგანაც შვილის ყოლას ინებებდა. გონებაში ათობით "სახება-ტანებამ" გაუელვა. ექსპერიმენტული მცდელობა უშედეგოდ დაასრულა. გულის გვერდით, კუჭთან, ყრუ ჩხვლეტა იგრძნო. იფიქრა, შიმშილისააო, გულზეხელმიჭერილი წამოდგა.
თბილი "ტოუსტი" ჩაკბიჩა, მჩხვლეტი ნაფრშხვენი ფეხებიდან გადაიფერთხა, ჩაი მოსვა. მაგიდაზე "McBook Air"-ი, "iPhone"-ი, ლარნაკში ფუჭებაშეპარული ვაშლები, საკითხავი სათვალე, "Charity shop"-ში ((ინგ.) საქველმოქმედო მაღაზია) შემთხვევითი არჩევის მეთოდით ნაყიდი Marc levy – `Seven days for an Eternity" ((ინგ.) მარკ ლევი – "შექმნის შვიდი დღე") , "GQ magazine" ((ინგ.) ჟურნალი GQ) (რომლის ყდაზეც მისი ფოტოა და ინტერვიუს მთელი ოთხი გვერდი უჭირავს) აწყვია.
ოთახი შეათვალიერა. სკამზე მიყრილი ტანსაცმლის, იქვე, იატაკზე დაყრილი წყვილი ვარდისფერზოლიანი წინდების, ჟურნალის მაგიდაზე "1845-FULLERS" ((ინგ.) შედარებით მუქი ელი რომელსაც წვეულებებზე და მეგობრებთან ერთად სვამენ. ბრიტანული ლუდი) – ელი-ს ცარიელი ბოთლის მიუხედავად, ოთახი დალაგებულია. ლეპტოპი ჩართო. მობილურს დახედა...
– "გუშინ გვიანობამდე შევრჩი, ჯერ ვერ გადავწყვიტეთ, სად გავალთ, შემოგვიერთდი!"
– "ტკბილო გულო, ხვალ ღამის რეისით მოვფრინავ, მენატრები, გკოცნი შენ!"
ყველაზე მეტად Home-sweet-home ((ინგ.) სახლი ტკბილი სახლი) უყვარს! ჩაის კოვზით მოურია, ყურთასმენისთვის საამო, ბავშვობის მომაგონებელი, კომფორტული სიმშვიდე შეიგრძნო... მარცხენა ხელის თითები ტუჩებზე მიიჭირა... Twitter-ში შესვლა დაიზარა, საძიებო პროგრამა გააქტიურა, სახელი-გვარის წინა სამი ასო აკრიფა, როცა რიგში სრულიად ამონათდა, თეთრ გვერდზე ლურჯი ასოებით მისი ბიოგრაფიის, ფილმოგრაფიის, მომავალი შემოქმედებითი გეგმებისა და ა. შ. და ა. შ. შესახებ ეწერა. "Ima ges" ((ინგ.) ფოტოსურათები) გახსნა: მარტო თავისი, ნაირნაირი პრიზებით ხელში, თავისი და სხვადასხვა პერიოდის "Girlfriends"-ების, სხვადასხვა "Celebrities"-თან ერთად, ცალკე ცხვირის, ცალკე თითების, ცალკე თვალების, თეთრი – WOW! ((ინგ.) შორისდებული ვაუ!) – კი!..(ფილმიდან ამოჭრილი ფრაგმენტი!!!) დაათვალიერა. გარეგანი მონაცემებით კმაყოფილს, კეთილი გრძნობები მიეძალა; თავისი ძვირფასი, წარმატებული თავით ამაყობს, მშობლებიც უყვარს! მზერა პირდაპირ თაროებზე წარწერებიან ჯილდოებს, წიგნებს მიაპყრო, თვალები მოჭუტა. F. Scott Fitzgerald – "The great Gatsby" ((ინგ.) ფრენსის ფიცჯერალდი "დიდი გეტსბი") , Emily Bront ë - "Wuthering Heights" ((ინგ.) ემილი ბრონტე "ქარიშხლიანი უღელტეხილი") , Vladimir Nabokov - "Lolita" ((ინგ.) ვლადიმერ ნაბოკოვი "ლოლიტა") , Antonie de saint – Exupery – "The Little Prince" ((ინგ.) ანტუან ეგზიუპერი "პატარა პრინცი") , Woolf ((ინგ.)