ანა კარენინა. ტომი I

"ყველა ბედნიერი ოჯახი ერთმანეთს ჰგავს, ყველა უბედური ოჯახი კი თავისებურადაა უბედური," - ასე იწყება ერთ-ერთი ყველაზე ცნობილი წიგნი ქალზე, რომლის უბედურებაც ერთ-ერთი ყველაზე დრამატული მოვლენაა მსოფლიო ლიტერატურაში. ხოლო ეს პერსონაჟი, ყველაზე უკვდავი და დაუვიწყარი. წიგნი, რომელმაც შეძრა სამყარო - ასე უწოდებდნენ "ანა კარენინას", რომანს, სადაც სიყვარული და სევდა, სიკვდილი და სიცოცხლე ერთმანეთზეა გადაჯაჭვული და გარდა ამ დიდი ცხოვრებისეული და ლიტერატურული მისტერიებისა, წიგნს ისტორიული ღირებულებაც გააჩნია. მიუხედავად იმისა, რომ მაშინდელი რუსეთის შესახებ ცნობების მოგროვება არც ისე რთულია, ლევ ტოლსტოიმ მოახერხა და კონკრეტული კლასის ყოველდღიურობის აღწერით თითქმის მთელს სამყაროს აიძულა, რომ მეცხრამეტე საუკუნის რუსეთი სწორედ ისეთად წარმოედგინათ, როგორადაც ის თავად დაგვიხატა.