საზაფხულო გეგმები იმ ზაფხულს ჩვეულებრივზე მეტად ცხელოდა, ძალიან გაუსაძლისი სიცხე იყო და ამიტომ ქალაქშიც თითქმის არავინ აპირებდა გაჩერებას, მაქსიმალური გასვლა და სხვადასხვა კურორტების დაგეგმვა მიმდინარეობდა.
არჩევანი ფართო იყო, ტურისტულები უკვე გაზაფხულიდან იწყებდნენ საოცარი აქციების შემოთავაზებას, ბათუმი კი ყოველთვის იყო ალტერნატივა მათთვის ვინც თურქეთს, შორეულ ჰურგადას და ისეთ ნეტარებას ვერ შესწვდებოდა, როგორიც პალმა დი მალიორკა, მონაკო, კანი, კაპრი და მალდივებია.
არ ვიცი რატომ, ავიჩემე და გადავწყვიტე რომ სწორედ იქ უნდა დამესვენა, სადაც ჩემი ბავშვობის მეგობარმა გადაწყვიტა წასვლა, ოღონდ იმიტომ არა რომ ერთად ვყოფილიყავით, მას მერე უამრავი დრო გავიდა, დავიშალეთ, სხვადასხვა ინტერესები გაგვიჩნდა, უბრალოდ ეს კურორტი აღმოჩნდა ამ ზაფხულს საერთო ჩვენ ორს შორის.
მერე იმაზე დავიწყე ფიქრი როგორ შემეკრიბა ჩემი სადაქალო და მასიურ პიარ კამპანიას მივყავი ხელი.
ნუ, რა თქმა უნდა, ყველას გვინდოდა ზაფხულის კარგად გატარება, ისეთ ადგილას წასვლა, სადაც მთელი თბილისი არ დადის, კარგი გარუჯვა, თან ევროპა, თან სანაპირო, თან ბევრი ფოტო ინსტაგრამისთვის და სხვა სოციალური ქსელებისათვის.
და აი ისიც; „ მალიორკა ესპანეთის ერთ-ერთი ყველაზე დიდი კუნძული ხმელთაშუა ზღვაში, ესპანეთის მთავარი საზღვაო კურორტი, ყოველწლიურად ოთხ მილიონზე მეტი ტურისტით, დამახასიათებელი სუბტროპიკული კლიმატით, ჩრდილოეთის ცივი ქარებისგან მთებით დაცული. წლის ნებისმიერ დროს შეგიძლია ეწვიო რადგან კლიმატი მეტად ხელსაყრელია.
დედაქალაქი - პალმა დე მალიორკა, რომელიც მისივე სახელობის ყურესთან მდებარეოსბ ბარსელონიდან 244 კილომეტრში. მოსახლეობა 350 ათასს შეადგენს მაგრამ ზაფხულის თვეებში ეს ციფრი რამდენიმე მილიონს აღწევს. “
- აი, ძალიან მაგარია, მართლა სუპერ ადგილია, მაგრად მინდა, თან შენთან ერთად, მაგრამ ხო იცი ამ ზაფხულს სხვა გეგმები მაქვს - აჭყავლდა ტელეფონში კატო.
- კაი ხო, რა გეგმა გაქვს ამაზე მაგარი და საინტერესო?
- კრედიტი მინდა ავიღო მანქანისთვის, ხო იცი, რამდენი ხანია ველოდები ამ მომენტს, როგორც იქნა „ პრავა “ დავითრიე და ახლა მანქანა უფრო მინდა ვიდრე მალიორკა- თან თითქოს გული წყდებოდა, თან იფიქრებდი არც განიხილავს ამ საკითხსო.
- ხო, კარგი, კარგი, როგორც გინდა... მე შემოგთავაზე, იქნებ ვინმე ჩემი ჭკუის ვნახო, ისეთი ვინც რამდნეიმე ასეულ ევროს გადადებს ამ ზაფხულს სრულყოფილი დასვენებისთვის...
- კარგი რააააააა, ხო იცი როგორ მინდა, აი ძალიან მაგრად.... - უკვე კითხვის ნიშნიშ ქვეშ ყავდა მანქანა დაყენებული.
- კარგი, მოიფქირე... დრო გაქვს... ნუ არც ისე ბევრი, ვიზაზე გვინდა ჩალიჩი... ეგეთი მარტივიც არ გეგონოს. - მაინც შევუფუცხუნე, რომ ოცნებასა და რეალობას შორის გამორკვეულიყო.
სასწრაფოდ მოვიმარჯვე ჩემი აიფჰონი და კონფერენცია გავაკეთე ვაიბერში, საღამოს შეხვედრა ჩავაგდე და დავიწყე მზადება სიტყვით გამოსვლისთვის. ნოვატორობა ჩემში ყოველთვის მოჭარბებული რაოდენობით იყო.
არ ვიცი ჯერ, ამ გადმოსახედიდან ჩემი თანამოაზრე და ზაფხულის ბედნიერი დღეების გამზიარებელი ვინ გახდებოდა, მაგრამ მე მაინც მონახაზი გაკეთებული მქონდა, ერთი ორი დაქალის იმედად უკვე იმაზე ვფიქრობდი ჩემოდანი რა თანრიგით გამევსო.
საღამოს შეხვედრა ჩვენს საყვარელ კაფეში შედგა, იქ შევიკრიბეთ ყველანი.
-აუუუ, რა მაგარიაააა
-რა გიჟი ხარ, საიდან გააძრე ახლა ეგ?
-აუ ფული იყოს და იდეებს რა დალევს.
-კაი რა, იმდენი ვიცი ფულის მეტი რა აქვთ და დადიან ეგვიპტე, კუშადასი, ანტალია... ბოდრუმი... და მაინც უკმაყოფლოები რჩებიან მომსახურებით და საბოლოო ჯამში არაფერი არ იცვლება...
-მსოფლიოს მოვივლიდი ბევრი ფული რომ მქონდეს, არასდროს არ წავიდოდი ერთსა და იმავე ადგილას
-თქვენთან ერთად მე ბათუმშიც კარგი დრო გავატარე სამი წლის წინ
მოკლედ რეპლიკები და შეძახილები დიდხანს გაგრძელდა
საბოლოო ჯამში აღმოჩნდა რომ ჩემი სადაქალოდან ბევრს სურვილი ქონდა, მაგრამ გარემოება ხელს არ უწყობდა ამ სურვილის განხორციელებაში.
კატომ მანქანა არჩია ამ ზაფხულს მალიორკაზე დასვენებას, ეკოს არაგეგმიური ორსულობა დაემატა და თავისთავად მიზანშეწონილი მისთვის არც მოგზაურობა იყო, არც ფრენა და არც მზე და რუჯი.
მარიმ გადაწყვიტა რომ ბავშვთან ერთად და ქმართან ერთად უნდოდა სადღაც წასვლა, ისეთ ადგილას სადაც მართლა დაისვენებდა.
ასეა, ოჯახი რომ გყავს მერე უკვე გიძნელდება სადაქალოში ვინმესთან ერთად გეგმების დასახვა. ოჯახი მაინც ოჯახია, ამას რომ ვეუბნები ჩემს