შესავალი მ არკეტინგის მიზანია მომხმარებლის მოზიდვა და მისი დარწმუნება, შეიძინოს ნივთი, რომელიც ისე გაახალისებს მის ცხოვრებას, რომ კვლავ და კვლავ დაბრუნდება მის შესაძენად. რა შეიძლება იყოს ამაზე მნიშვნელოვანი? მარკეტინგი ნაწილობრივ მეცნიერებაა და ნაწილობრივ ხელოვნება. მისი წარმატებისათვის აუცილებელია ორივე ამ კომპონენტის ორგანული ჩართვა საქმიანობაში. უნდა ვთქვა, რომ ეს საკმაოდ რთულია და დიდ, კვალიფიციურ ძალისხმევას მოითხოვს. თქვენი ბიზნესი (ან არაკომერციული ან მომსახურების სააგენტო) საჭიროებს მრავალმხრივ საქმიანობას, მათ შორისაა:
✓ მკაფიო და სრულყოფილი ინფორმაციის გავრცელება;
✓ ბრენდის განსაკუთრებულობის წარმოჩენა;
✓ რესურსების თავმოყრა უკეთესი შედეგის მისაღწევად;
✓ საბაზრო წილის გაზრდა დაინტერესებული მომხმარებლისა თუ კლიენტის მოზიდვითა და შენარჩუნებით.
მიზნობრივი კომუნიკაცია, ნათელი სტრატეგია და გონივრული დაგეგმვა - ამ საქმიანობის შემოქმედებითად წარმართვა წარმატების უცილობელი გარანტიაა.
წიგნის შესახებ
"მარკეტინგი მარტივად" დავწერე იმისათვის, რომ დაგეხმაროთ რთული მარკეტინგული სამუშაოს შედარებით ადვილად და ხარისხიანად შესრულებაში. მას ვწერდი მარკეტოლოგებთან, მცირე ბიზნესის მფლობელებსა და სხვა მეწარმეებთან ერთად. წიგნი, ასევე, გამოადგებათ მენეჯერებსა და დიდი ორგანიზაციების თანამშრომლებს, რომლებსაც გეგმებზე, პროგრამებზე, ახალი პროდუქტის დანერგვაზე, სარეკლამო კამპანიების დაგეგმვაზე, ნაბეჭდ მასალებზე, ვებსაიტებსა და თავიანთი ორგანიზაციების არსებულ თუ პოტენციურ მომხმარებლებთან ურთიერთობის სხვადასხვა საკითხზე უწევთ მუშაობა. ყველა მარკეტოლოგს სურს საკუთარი მეთოდების დახვეწა, ახალი სტრატეგიის შემუშავება, მედიის წარმომადგენლებთან ურთიერთობა და იმ გზების მარტივად პოვნა, რომელიც მათი გავლენის არეალს გააფართოებს, ხარჯებს კი შეამცირებს. ეს ყოველივე გახლავთ ჩემი, როგორც ავტორის, მიზანიც. მარკეტინგმა შეიძლება დიდი სიამოვნებაც მოგვანიჭოს - ბოლოს და ბოლოს, ის ბიზნესის ყველაზე შემოქმედებითი სფერო და საფუძველთა საფუძველია. გარდა იმისა, რომ ძალიან მსიამოვნებდა წიგნის წერა და იმაზე ფიქრი, რომ ის თქვენც გამოგადგებოდათ, საკითხს ძალიან სერიოზულად მივუდექი. ნებისმიერი მიზანი, რომელიც წიგნამდე მოგიყვანთ, რა თქმა უნდა, ძალიან მნიშვნელოვანია და მსურს, ვირწმუნო, რომ აქ მიღებული ყოველი რჩევა სასურველი შედეგის მიღწევაში დაგეხმარებათ. წიგნში გამოყენებული ტერმინები წიგნი რამდენიმე კონკრეტულ პირობას ეყრდნობა, რომელთა შესახებ მანამდე უნდა მოგახსენოთ, სანამ კითხვას დაიწყებთ. ესენია:
✓მარკეტინგის პროგრამა. ეს ფრაზა გულისხმობს ნებისმიერ ორგანიზებულ, გაყიდვებთან დაკავშირებულ კოორდინირებულ საქმიანობას, რეკლამას, საჯაროობას, მომხმარებელთა მომსახურებას, ინტერნეტმომსახურებას, პირდაპირ საფოსტო გზავნილებს, ან მომხმარებლებთან დაკავშირებისა და მათზე ზეგავლენის მოხდენის სხვა ნებისმიერ საშუალებას. მარკეტინგული პროგრამის შემუშავება ნიშნავს შემთხვევითი ან არასისტემური საქმიანობის თავიდან აცილებას, ფიქრს იმაზე, თუ როგორ მჭიდროდ უკავშირდება ყველაფერი ეს ერთმანეთს და როგორ გიწყობთ ეს ხელს მიზნის მიღწევაში.
✓მომხმარებელი - არის ის, ვინც ყიდულობს იმას, რასაც თქვენ ყიდით. მომხმარებელი შეიძლება იყოს ფიზიკური პირი, ოჯახი, ბიზნესი, სამთავრობო სააგენტო, სკოლა ან ამომრჩეველიც კი. ვინც უნდა იყოს, მე ყველას მომხმარებელს ვუწოდებ.
✓პროდუქტი - არის ნებისმიერი რამ, რასაც ყიდით ან სთავაზობთ მომხმარებელს, იქნება ეს მომსახურება, იდეა, რიგითი მოქალაქე, პოლიტიკური ფიგურა თუ სახელგანთქმული ადამიანი. თქვენი პროდუქტი შეიძლება იყოს სულიერი ან უსულო, მატერიალური ან არამატერიალური. საბაზრო ტერმინოლოგიით, პროდუქტი ეწოდება ვინმესთვის შეთავაზებულ თქვენს მომსახურებასაც.
✓გაყიდვები. გაყიდვების გარდა, მარკეტინგულ აქტივობათა შორის პირისპირ საუბარი და უშუალო სატელეფონო შეთავაზება მიმაჩნია. თქვენ უნდა შეძლოთ გაყიდვების (რომელიც უაღრესად მნიშვნელოვანი სფეროა) ინტეგრირება ფართო სპექტრის საქმიანობასთან, რომლის მიზანი გაყიდვების ხელშეწყობა და მომხმარებელთა დაკმაყოფილებაა. მე გთავაზობთ გაყიდვის პროცესის ისეთ გზებს, რომლებითაც თქვენი მარკეტინგული საქმიანობა უფრო ეფექტურად წარიმართება.
✓მუქი შრიფტი მიუთითებს სიის საკვანძო სიტყვებზე.
✓კურსივით აღნიშნულია სიტყვები, რომელთაც განვმარტავ ან ხაზს ვუსვამ.
✓მითითებული ვებგვერდები ინგლისურენოვანია.
მცდარი ვარაუდები
ეჭვიც არ მეპარება, რომ იმდენად გონიერი, ყურადღებიანი და მიზანდასახული ადამიანი ხართ, რომ შეგიძლიათ საქმეს კარგად გაუძღვეთ, მაგრამ, დაგენაძლევებით, არ ფლობთ ყველა იმ ტექნიკურ მეთოდს, რომელიც, შესაძლოა ეფექტური მარკეტინგული საქმიანობისთვის დაგჭირდეთ. შევეცდები, დაწვრილებით შევჩერდე თითოეულ მათგანზე. ცხადია, გსურთ დანერგოთ ახალი იდეები გაყიდვების მოცულობის გაზრდისა და თქვენი ორგანიზაციის განვითარებისათვის. ერთი სიტყვით, მარკეტინგის წარმოებას გახსნილი გონება და ექსპერიმენტატორის ენთუზიაზმი სჭირდება. მე ისიც მჯერა, რომ შემოქმედებითი წარმოსახვის ტყვეობაში მყოფს, წამში შეგიძლიათ მკაცრ ანალიტიკოსად იქცეთ, რადგან მარკეტინგში წარმატების მიღწევას ორივე მიდგომა ერთნაირად სჭირდება. დგება დრო, როცა რაოდენობრივი მონაცემების აღნუსხვა და გაყიდვების პროგნოზირებაა საჭირო, სხვა დროს მომხმარებლის მოსაზიდად თქვენი ხიბლი უნდა გამოიყენოთ. თქვენი ორგანიზატორული ნიჭის წყალობით უნდა შეკრიბოთ განსხვავებულ ადამიანთა გუნდი, სადაც ზოგიერთი ციფრებზე იქნება ორიენტირებული, სხვები - შემოქმედებითი უნარით დაჯილდოებულნი. ასეთ შემთხვევაში თქვენს ხელთ იქნება წარმატებული ორგანიზაციის სრული სურათი. თუ მცირე ბიზნესი გაქვთ, შესაძლოა,
ჩუქება
