თავი პირველი
„ეფ-ბი-აის(FBI – გამოძიების ფედერალური ბიურო.(ქეჩერი – თამაშის პოზიცია ბეისბოლსა და სოფტბოლში; ქეჩერს უწოდებენ თავდაცვის პოზიციაში მყოფი გუნდის მოთამაშეს, რომელიც იმყოფება ბიტერის სახლსა და ზურგს უკან, მაგრამ მსაჯის წინ და იღებს ბურთს, რომელსაც აწოდებს პიჩერი.)“ ქცევათმეცნიერების განყოფილება, რომელიც სერიულ მკვლელობებს იძიებს, ქუანტიკოს აკადემიის შენობის ყველაზე ქვედა სართულზე, ნახევრად მიწის ქვეშ მდებარეობს. სასროლეთიდან სწრაფად მომავალი კლარის სტარლინგი ლოყებაწითლებული ჩავიდა ქვემოთ. თმაში ბალახი ჩარჩენოდა, „ეფ-ბი-აის“ აკადემიის სტუდენტს ქურთუკზე მწვანე ლაქები დამჩნეოდა. სასროლეთში „დაუმორჩილებელი ეჭვმიტანილის“ ტყვიებისთვის თავის ასარიდებლად პირქვე ბევრჯერ დაემხო.
მოსაცდელ ოთახში არავინ იყო და შუშის კარზე თავის ანარეკლს შეავლო თვალი. ისედაც კი იცოდა, რომ კოხტად გამოიყურებოდა. ხელებზე დენთის სუნი ასდიოდა, მაგრამ დაბანას ვეღარ მოასწრებდა. განყოფილების უფროსმა კროფორდმა დაუყოვნებლივ გამოცხადება უბრძანა.
ჯეკ კროფორდი ოთახში მარტო იყო. სხვის სამუშაო მაგიდასთან იდგა და ვიღაცას ტელეფონით ელაპარაკებოდა. სტარლინგს წელს პირველად მიეცა მისი წესიერად შეთვალიერების საშუუალება. ნანახმა ააღელვა.
ჩვეულებრივ, კროფორდი ჰგავდა სპორტული აღნაგობის შუახნის ინჟინერს, სტუდენტობისას ბეისბოლს რომ თამაშობდა და მარჯვე ქეჩერობის) ქეჩერი – თამაშის პოზიცია ბეისბოლსა და სოფტბოლში; ქეჩერს უწოდებენ თავდაცვის პოზიციაში მყოფი გუნდის მოთამაშეს, რომელიც იმყოფება ბიტერის სახლსა და ზურგს უკან, მაგრამ მსაჯის წინ და იღებს ბურთს, რომელსაც აწოდებს პიჩერი.- დამსახურებით, კოლეჯის სწავლის საფასურს იხდიდა. ახლა კი გამხდარიყო, პერანგის საყელო ხალვათად ჰქონდა, თვალები ჩასწითლებოდა და უპეები ჩაშავებოდა. ყველას, ვინც გაზეთებს კითხულობდა, კარგად მოეხსენებოდა, რომ ქცევათმეცნიერების განყოფილებას დიდი გასაჭირი ედგა. იმედია, სმა არ დაუწყიაო, გაიფიქრა სტარლინგმა. კროფორდს ეს არანაირად არ შეეფერებოდა.
– არა, – თქვა მოკლედ კროფორდმა და ტელეფონით საუბარი დაასრულა. შემდეგ იღლიაში ამოჩრილი საქაღალდე გამოიღო და გადაშალა.
– სტარლინგი, კლარის მ. დილა მშვიდობისა, – თქვა მან.
– გამარჯობა, – თავაზიანად გაუღიმა სტარლინგმა.
– ყველაფერი რიგზეა. იმედია, ჩემმა სატელეფონო ზარმა არ დაგაფრთხოთ.
– არა, – თქვა სტარლინგმა, მაგრამ გულში დაამატა: „ცოტათი კი“.
– თქვენმა ინსტრუქტორებმა მითხრეს, რომ კარგად სწავლობთ და ერთ-ერთი საუკეთესო ხართ ჯგუფში.
– იმედია. ჯერ შეფასებები არ გამოუქვეყნებიათ.
– ხანდახან სტუდენტებზე მე თვითონ ვეკითხები ხოლმე.
სტარლინგს გაუკვირდა; კროფორდი მას ორპირ, ნაბიჭვარ გამწვევ სერჟანტად წარმოედგინა.
სპეციალური აგენტი კროფორდი სტარლინგმა ვირჯინიის უნივერსიტეტში გაიცნო, სადაც კროფორდი მოწვეული ლექტორის სტატუსით კრიმინოლოგიას ასწავლიდა. მისი ლექციებითა და სემინარებით მოხიბლულმა სტარლინგმა გამოძიების ფედერალურ ბიუროში მოსვლა გადაწყვიტა. როცა აკადემიაში ჩაირიცხა, კროფორდს წერილი მისწერა, მაგრამ მისგან პასუხი არ მიუღია. უკვე მესამე თვე იწურებოდა, რაც სტარლინგი ქუანტიკოში წვრთნას გადიოდა, მაგრამ კროფორდი ყურადღებას საერთოდ არ აქცევდა.
სტარლინგი იმათ რიცხვს არ ეკუთვნოდა, ვინმესგან დახმარებას ან მეგობრობას რომ ითხოვს, მაგრამ კროფორდის უყურადღებობა მაინც აწუხებდა. თუმცა, აი, კვლავ მასთან აღმოჩნდა და, თავისდა სამწუხაროდ, გააცნობიერა, რომ კროფორდი ძველებურად მოსწონდა.
კროფორდს აშკარად რაღაც სჭირდა. იგი მხოლოდ ინტელექტით კი არა, განსაკუთრებული გამჭრიახობითაც გამოირჩეოდა, სტარლინგი ამას მისი სამოსის ფერითა და ქსოვილის ხარისხით მიხვდა. „ეფ-ბი-აის“ აგენტის უნიფორმასაც კი სხვაგვარად იხდენდა. ახლაც მშვენივრად ეცვა, მაგრამ მაინც მოუწესრიგებლად გამოიყურებოდა.
– ერთი საქმე გამოჩნდა და თქვენ გამახსენდით, – თქვა მან. – საქმეც კი არაა, საინტერესო დავალება უფროა. აი, მაგ სკამზე ჩამოჯექით. აქ გიწერიათ, რომ ქცევათმეცნიერების განყოფილებაში მუშაობა გინდათ, როცა აკადემიაში სწავლას მორჩებით.
– დიახ.
– კრიმინალისტიკაში საკმაო გამოცდილება გაქვთ, სამართალდაცვაში – არანაირი. მინიმუმ, ექვსწლიან გამოცდილებას ვითხოვთ.
– მამაჩემი შერიფი იყო. ამ საქმისა რაღაც გამეგება.
კროფორდმა ჩაიღიმა.
– სამაგიეროდ თქვენ გაქვთ ორმაგი ხარისხი კრიმინოლოგიასა და ფსიქოლოგიაში. საზაფხულო სტაჟირება გაგივლიათ ფსიქიატრიულ საავადმყოფოში, თან... ორჯერ.
– დიახ.
– ფსიქოთერაპევტის ლიცენზია ჯერაც არ გაუუქმებიათ?
– კიდევ ორ წელს არ გაუვა ვადა. ცოტა ხნით ადრე ავიღე, სანამ ვირჯინიის უნივერსიტეტში ლექციების კითხვას დაიწყებდით... სანამ აქ მოსვლას გადავწყვეტდი.
– კარგა ხანს ელოდეთ, როდის დაიწყებოდა მიღება.
სტარლინგმა თავი დააქნია.
– თუმცა, ბედმა გამიღიმა... დრო გამომიჩნდა და ექსპერტ-კრიმინალისტის სპეციალობას დავეუფლე. ლაბორატორიაში ვიმუშავე, სანამ აკადემიაში ახალწვეულთა მიღება დაიწყებოდა.
– მომწერეთ, რომ ჩვენთან სწავლას აპირებდით, მაგრამ, მგონი, არ გიპასუხეთ... ვიცი, რომ არ გიპასუხეთ. უნდა მომეწერა.
– ისედაც ბევრი საქმე გქონდათ.
– მძიმე დანაშაულთა აღკვეთის პროგრამაზე გსმენიათ რამე?
– დიახ, „ეფ-ბი-აის“ ბიულეტენში წერია, რომ მონაცემთა ბაზას ადგენთ, მაგრამ ჯერ პროგრამა არ ამოქმედებულა.
კროფორდმა თანხმობის ნიშნად თავი დააქნია.
– კითხვარი შევადგინეთ. ჩვენთვის ცნობილ ყველა თანამედროვე სერიულ მკვლელს მიესადაგება,