ენტონი დოერი
თანამედროვე ლიტერატურის ერთ-ერთი მნიშვნელოვანი წარმომადგენელია, რომელსაც მიღებული აქვს არა ერთი ლიტერატურული პრემია თუ ჯილდო. მისი რომანი, „ნათელი, რომელსაც ვერ ვხედავთ“ 10 წლის განმავლობაში იწერებოდა და მალევე, საზოგადოების უზარმაზარ ყურადღებასთან ერთად, New York Times-ის ბესტსელერების სიაში მოხვდა.
ენტონი დოერი არის ავტორი ბესტსელერებისა - „ნიჟარების შემგროვებელი“, „გრეისის შესახებ“, „ოთხი სეზონი რომში“ და „მეხსიერების კედელი“. 2007 წელს გრანტამ ის 21 საუკეთესო ახალგაზრდა ამერიკელ რომანისტს შორის დაასახელა, 2011 წელს კი ენტონი დორმა „Sunday times-ის“ მოკლე მოთხრობის პრიზი დაიმსახურა. ცხოვრობს აიდაჰოში, თავის ცოლსა და ორ ვაჟიშვილთან ერთად.
2015 წელს რომანისთვის „ნათელი, რომელსაც ვერ ვხედავთ“, ენტონი დოერი პულიცერის პრემიის ლაურეატი გახდა
მას ოთხჯერ მიენიჭა ო’ჰენრის სახელობის პრემია
ენტონი დოერის ნაწარმოებები შესულია „საუკეთესო ამერიკული მოთხრობების“, „საუკეთესო ამერიკული ესეებისა“ და „ახალი მოკლე ამერიკული ისტორიების“ კრებულებში
დოერი მცირე პროზაში გაცემული ყველაზე პრესტიჟული ამერიკული პრემიის, The Story Prize-ის 2010 წლის ლაურეატია
თქვენ ახლა მეორე მსოფლიო ომის თემაზე შექმნილი კიდევ ერთი შედევრი გადაშალეთ - ფსიქოლოგიური რომანი ომზე. ახალგაზრდა, პოპულარული ამერიკელი მწერლის ენტონი დოერის რომანი, რომელიც ადამიანებისთვის „სიყვარულის ახსნაა“.
„ნათელი, რომელსაც ვერ ვხედავთ“ თქვენს გულისცემას გაახშირებს და სუნთქვასაც ბევრჯერ შეგიკრავთ, რადგან მისი ყოველი ახალი გვერდის გადაფურცვლას აუცილებლად მოაქვს სიახლე, ახალი შეგრძნებები. რომანის დამთავრების შემდეგ კი დიდხანს არ დაგტოვებთ განცდა, რომ წიგნი კი არ წაიკითხეთ, არამედ ნახეთ.
თქვენ გელით სიყვარულის, სიძულვილის, უიმედობის, ღალატის, ერთგულების, ილუზიების მსხვრევის, სიხარბის, თანადგომისა და თანალმობის, შიშის, სიმამაცის, ადამიანური უსამართლობისა და ღვთაებრივი სამართლიანობის უწყვეტი 500 გვერდი. სტრიქონები, მთავარი გმირების, ვერნერ პფენიგისა და მარი-ლორა ლებლანთან ერთად, თითქოს რომანის ეპიზოდური მონაწილეების ღრმა ფსიქოლოგიურ პორტრეტებსაც ხატავს.
ომის სასტიკი ფსიქოლოგია და ადამიანი, რომელიც ყოველგვარ განსაცდელში ადამიანად რჩება.
თქვენ უყვარხართ ავტორს. მას მარი-ლორა ლებლანის, უსინათლო გოგონას ვითომ შეზღუდული, სინამდვილეში კი მკაფიო მზერით უყვარხართ. ეს ის ნათელია, რომელსაც ვერ ვხედავთ. სამყაროში არაფერია ღირებული ადამიანის, ადამიანის, ადამიანის გარდა!