ვადები სამოქალაქო კოდექსის მიხედვით
შემდგენელი: სანდრო ჯორბენაძე
ალიმენტის დავალიანების გადახდევინების ვადა წარსული დროისათვის – არა უმეტეს 3 წლისა, სააღსრულებო ფურცლის გადასახდელად წარდგენამდე; მოვალის ძებნასთან დაკავშირებით სააღსრულებო ფურცლის მიხედვით ალიმენტის დაკავების შეუძლებლობისას – მთელი გასული პერიოდისათვის (მუხლი 1235).
ანაბრის უკან გამოთხოვის დრო ვადის განუსაზღვრელობისას – ნებისმიერ დროს (მუხლი 874).
ანდერძის ბათილობაზე სარჩელის წარდგენის ვადა – 2 წელი სამკვიდროს გახსნის დღიდან (მუხლი 1409).
არასრულწლოვანი პირის ქმედუნარიანობის ვადის ათვლა - 18 წლის ასაკამდე დაქორწინებიდან (მუხლი 12).
არასრულწლოვნის მიმართ მშობლის ან სხვა კანონიერი წარმომადგენლის მიერ უფლების ბოროტად გამოყენებისაგან დაცვის მიზნით არასრულწლოვნის მიერ სასამართლოსადმი მიმართვის ვადა – 14 წლის ასაკიდან (მუხლი 1198(1)).
აუქციონზე გადასახდელი თანხის გადახდის ვადა – ერთი კვირის განმავლობაში, ქონების შემძენის მიერ, სპეციალისტის სადეპოზიტო ანგარიშზე (მუხლი 306(5)).
აუქციონზე შეძენილ ქონებაზე უფლების გადაცემის გაუქმების ვადა - სპეციალისტის მიერ, თუ აუქციონის პირობებით განსაზღვრულ ვადაში მის სადეპოზიტო ანგარიშზე არ მიიღებს აუქციონზე ქონების შემძენის მიერ გადასახდელ თანხას (მუხლი 306(6)).
აუქციონის გაუქმების ვადა – აუქციონის შესახებ განცხადების შემტანი კრედიტორის მიერ მისი უკან გატანიდან (მუხლი 306(1)).
აუქციონის შეწყვეტის ვადა – აუქციონის ჩატარებამდე, მოვალე ან მესამე პირის (რომელიც უფლებამოსილია დააკმაყოფილოს კრედიტორი) მიერ, თუ გადაიხდის მის დასაკმაყოფილებლად და ყველა ხარჯის დასაფარავად საჭირო თანხას (მუხლი 306(1)).
აუქციონის ჩატარების დროისა და ადგილის შესახებ განცხადების მასობრივი ინფორმაციის საშუალებებით საჯაროდ გამოქვეყნების ვადა - აუქციონის ჩატარებამდე არანაკლებ 7 დღით ადრე სპეციალისტის მიერ (მუხლი 306(2)).
აუქციონის ჩატარების ვადა – კრედიტორის მიერ სპეციალისტთან განცხადების შეტანიდან ერთი თვის განმავლობაში (მუხლი 306(4)).
აქცეპტის განხორციელების ვადა – ოფერენტის მიერ განსაზღვრული ვადა (მუხლი 331).
აღნაგობის უფლების ვადა – მაქსიმუმ 99 წელი (მუხლი 233).
აღნაგობის უფლების შეწყვეტის ვადა მიწის ნაკვეთის მესაკუთრის მიერ – ორი წლის გადასახადის გადაუხდელობის გამო (მუხლი 236).
ბავშვის მამობის დადგენის ვადა თვით ბავშვის განცხადებით – ბავშვის სრულწლოვანების მიღწევის შემდეგ სასამართლოს საშუალებით (მუხლი 1190).
ბავშვის სავარაუდო მამის მიერ სამოქალაქო აქტების რეგისტრაციის ორგანოში ბავშვის მამის შესახებ ჩანაწერის სადავოდ გადხომის ვადა – 1 წელი აასეთი ჩანაწერის თაობაზე გაგების ან შესაძლო გაგების დროიდან (მუხლი 1190).
ბავშვობის პერიოდი – 16 წლამდე ასაკი (მუხლი 1305(7)).
ბენეფიციარის მიერ გარანტისადმი მოთხოვნის წარდგენის ვადა – გარანტიით განსაზღვრული იმ ვადის დამთავრებამდე, რა ვადითაც იგი გაიცა (მუხლი 885).
გადაზიდვიდან გამომდინარე უფლებების (განზრახვის ან უხეში გაუფრთხილებლობისას) დაცვის ხანდაზმულობის ვადა – 3 წელი. ხანდაზმულობის ვადის დენა იწყება: ტვირთის ნაწილობრივ დაკარგვის, დაზიანების ან ჩაბარების ვადის გადაცილებისას - მისი გამოგზავნის დღიდან; ტვირთის მთლიანად დაკარგვისას - გადაზიდვის შეთანხმებული ვადის გასვლის 30-ე დღიდან ან, თუ ასეთი ვადა არ ყოფილა დათქმული, - გადამზიდველის მიერ ტვირთის მიღებიდან მე-60 დღეს; ყველა სხვა დანარჩენ შემთხვევაში - გადაზიდვის ხელშეკრულების დადების დღიდან 3 თვის გასვლის შემდეგ (მუხლი 699).
გადაზიდვიდან გამომდინარე უფლებების დაცვის ხანდაზმულობის ვადა – 1 წელი. ხანდაზმულობის ვადის დენა იწყება: ტვირთის ნაწილობრივ დაკარგვის, დაზიანების ან ჩაბარების ვადის გადაცილებისას - მისი გამოგზავნის დღიდან; ტვირთის მთლიანად დაკარგვისას - გადაზიდვის შეთანხმებული ვადის გასვლის 30-ე დღიდან ან, თუ ასეთი ვადა არ ყოფილა დათქმული, - გადამზიდველის მიერ ტვირთის მიღებიდან მე-60 დღეს; ყველა სხვა დანარჩენ შემთხვევაში - გადაზიდვის ხელშეკრულების დადების დღიდან 3 თვის გასვლის შემდეგ (მუხლი 699).
გამოსყიდვის უფლების ხანდაზმულობა – არაუმეტეს 10 წელი. ამ ვადის გაგრძელება დაუშვებელია (მუხლი 514).
გამქირავებლის მიერ გაქირავებული ნივთის შეცვლის ან გაუარესების გამო ზიანის ანაზღაურების მოთხოვნის ხანდაზმულობის ვადა – გაქირავებული ნივთის დაბრუნების მომენტიდან (მუხლი 573).
განქორწინების საქმეზე სასამართლოს მიერ მეუღლეების შესარიგებლად დანიშნული ვადა – არა უმეტეს 6 თვე (მუხლი 1127).
განქორწინებულ მეუღლეთა თანასაკუთრების ქონების გაყოფის მოთხოვნის ხანდაზმულობის ვადა – 3 წელი (მუხლი 1171).
გარანტის მიერ ბენეფიციარის მოთხოვნის განხილვის ვადა – გონივრულ ვადაში (მუხლი 886).
გარდაცვლილად გამოცხადებული პირისათვის მისი ქონების რეალიზაციით მიღებული თანხის დაბრუნების ვადა – გარდაცვლილად გამოცხადების შესახებ გადაწყვეტილების გაუქმების შემდეგ (მუხლი 23).
გარდაცვლილი მემკვიდრის მემკვიდრეების მიერ სამკვიდროს მიღების ვადა – სამკვიდროს მიღების ვადამდე დარჩენილი ხნის განმავლობში. თუ ეს დრო 3 თვეზე ნაკლებია, მაშინ იგი 3 თვემდე გრძელდება (მუხლი 1430).
გაშვილებასთან დაკავშირებით