რა არის რეზიუმე? სანამ იგი გახდებოდა ცნობილი, შექმნიდა „ მონა ლიზას “ და „ საიდუმლო სერობას “ , გამოიგონებდა მფრინავ აპარატს, ლეონარდო და ვინჩი მუშაობდა იარაღის შექმნაზე. 1482 წელს, 30 წლის ასაკში, მან დაწერა წერილი, სადაც აღწერდა საკუთარ შესაძლებლობებს და გაუგზავნა იგი ლუდოვიკო ილ მოროს (Ludovico il Moro), მილანის ჰერცოგს. აღნიშნული წერილი მიიჩნევა ერთ-ერთ უძველეს რეზიუმედ ისტორიაში, რომელიც აქამდე არის შემონახული.
ისევე როგორც 500 წლის წინ, დღესაც რეზიუმეს ფუნქცია უცვლელია, ეს არის აპლიკანტის განათლებისა და პროფესიული ისტორიის მონახაზი, რომელიც აძლევს ინფორმაციას დამსაქმებელს თქვენი შესაძლებლობების შესახებ. რეზიუმე წარმოადგენს ერთგვარ მარკეტინგულ დოკუმენტს, რომელშიც „ ყიდით “ თქვენს თავს, თქვენს უნარებს, ცოდნას, კვალიფიკაციას და გამოცდილებას. წარმატებული რეზიუმეს წინასწარ მომზადება სამსახურის ძიების პროცესის უმნიშვნელოვანესი ნაწილია, განსაკუთრებით მაშინ, როცა განსაზღვრულ პოზიციაზე შეიძლება იყოს მრავალი მსგავსი შესაძლებლობის კანდიდატის განაცხადი.
გახსოვდეთ, რეზიუმე არ არის ჩამონათვალი იმ ყველაფრის, რაც კი გაგიკეთებიათ, ეს მარკეტინგის მიზნით შემქნილი დოკუმენტია. ეს არის ერთგვარი მოკლე მონახაზი, შემაჯამებელი ინფორმაცია თქვენი განათლების, გამოცდილებისა და უნარების შესახებ. ამასთან, აუცილებელია რეზიუმე იყოს ფოკუსირებული იმ უნარებსა და გამოცდილებაზე, რომელიც ყველაზე რელევანტურია თქვენთვის სასურველი დამსაქმებილისათვის.
როდესაც ადგენთ რეზიუმეს:
აუცილებელია დარწმუნდეთ, რომ დამსაქმებელი „ თვალის ერთი გადავლებითაც “ კი მიხვდება, რომ თქვენ სწორედ ის უნარები და გამოცდილება გაქვთ, რასაც იგი ეძებს. შესაბამისად, პირველი ამოცანა რეზიუმეზე მუშაობისას იმ უნარებისა და გამოცდილების იდენტიფიცირება და ხაზგასმაა, რომელსაც დამსაქმებელი ეძებს. ეს სწორედ ის კრიტერიუმებია, რის მიხედვითაც მოხდება თქვენი რეზიუმეს შეფასება. მოთხოვნილი უნარებისა და გამოცდილების შესახებ ინფორმაცია, როგორც წესი, ვაკანსიის განაცხადშივეა ხოლმე მითითებული.
არ არსებობს ერთი „ სწორი “ გზა იმისა, თუ როგორი უნდა იყოს კარგი რეზიუმე, თუმცა ქვემოთ მოცემული წესები საერთოა:
♦ გამიზნულია სპეციფიური ვაკანსიისთვის ან კონკრეტული სფეროსთვის, და შეიცავს რელევანტურ ინფორმაციას თქვენი უნარ-ჩვევებისა და ცოდნის შესახებ;
♦ არის ინფორმატიული, თუმცა მოკლე;
♦ არის გამართული მართლწერისა და გრამატიკის თვალსაზრისით;
გამოყოფენ რეზიუმეს ორ ძირითად ფორმატს:
ქრონოლოგიური - როგორც წესი CV-ს ყველაზე ფართოდ გავრცელებული, და დამსაქმებელთათვის მეტად მისაღები ფორმაა. აღნიშნული ფორმატის შესაბამისად, თქვენი გამოცდილება თუ განათლება იწერება ქრონოლოგიურად, რევერსიული პრინციპით: დაწყებული უახლოესიდან წარსულამდე. აღნიშნული ტიპის რეზიუმე განსაკუთრებით ეფექტურია იმ შემთხვევაში, თუკი კანდიდატი თავისი კარიერულ გზას გადის ერთსა და იმავე სფეროში და უბრალოდ იცვლის სამუშაო ადგილს. ამ შემთხვევაში დამსაქმებელი არა მხოლოდ იღებს ინფორმაციას თქვენი სამუშაო გამოცდილების შესახებ, არამედ ადვილად აფასებს თქვენს პროფესიულ განვითარებას კარიერულ ბილიკზე.
ფუნქციონალური - აღნიშნული ფორმატი ახდენს თქვენი გამოცდილების, განათლებისა და უნარების ორგანიზებას სფეროების მიხედვით, თითოეულ სფეროში კი გამოცდილება/განათლება ქრონოლოგიური პრინციპით იწერება. ამ ტიპის რეზიუმე განსაკუთრებით გამოსადეგია იმ კანდიდატებისათვის, ვისაც აქვს კომპლექსური, მრავალფეროვანი სამუშაო გამოცდილება ან აქვს რამოდენიმეჯერ შეცვლილი სამუშაო სფერო.
რა მოცულობის უნდა იყოს რეზიუმე?
აქაც არ არსებობს ერთი კონკრეტული რეცეპტი, თუმცა რეკომენდირებულია რეზიუმე არ აღწემატებოდეს A4 ფორმატის 2 გვერდს. შესაბამისი დაფორმატების მეშვეობით იმ შემთხვევაშიც კი, თუკი გაქვთ მრავალფეროვანი სამუშაო გამოცდილება, შესაძლებელია ჩავეტიოთ აღნიშნულ მოცულობაში. მხოლოდ აკადემიური და ტექნიკური რეზიუმეები შეიძლება იყოს შედარებით დიდი, თუმცა ისიც მხოლოდ 4-5 გვერდის მოცულობის.
გახსოვდეთ, რომ დამსაქმებელს ერთ ჯერზე დიდი რაოდენობის რეზიუმეების წაკითხვა უწევს. იმისათვის, რომ თქვენი რეზიუმე იყოს ადვილად აღსაქმელი, საჭიროა ინფორმაცია გადასცეთ ლაკონურად.
გახსოვდეთ!
თუკი თქვენი რეზიუმე ძნელად იკითხება: არის ორაზროვანი, ცუდად აწყობილი და შეიცავს არარელევანტურ ინფორმაციას, დამსაქმებლები უბრალოდ შემდეგ რეზიუმეზე გადავლენ.
დაყავით თქვენი რეზიუმე პატარა ნაწილებად (ბულეტები, მოკლე პარაგრაფები) და მიეცით მას ნათელი ლოგიკური ჩარჩო, მხოლოდ რელევანტური ინფორმაციით და მარტივი ენით. თუკი ამას გააკეთებთ, გაზრდით დაინტერესების შანსს.
რა ძირითად ინფორმაციას მოიცავს რეზიუმე?
აშშ-ში ჩატარებული კვლევის შედეგად გამოვლინდა, თუ რეზიუმეს რა ნაწილებს/მახასიათებლებს აქცევენ ყველაზე მეტად დამსაქმებლები ყურადღებას (2010 Orange County Resume Survey by Eric Hilden)
45% რელევანტური სამუშაო გამოცდილება;
44% კვალიფიკაცია, განათლება და უნარები;
25% ადვილი წასაკითხი;
16% მიღწევები;
14% გამართული წინადადებები და მართლწერა;
5% ნათელი მიზნები;
როგორც წესი, რეზიუმე აერთიანებს შემდეგ ძირითად ინფორმაციას აპლიკანტის შესახებ:
♦ პერსონალური ინფორმაცია: სახელი, გვარი, დაბადების თარიღი,
