საზღვარი

ღვთის სიყვარულს ძნელად თუ ვინმე ისწავლის, იმ გამონაკლისის გარდა, რომ კაცთათვის შეუძლებელი ღვთისათვის შესაძლებელია. იგი თანდაყოლილი მადლია უფლისაგან. როდესაც გიყვარს ადამის მოდგმა უსაზღვროდ, ძლიერად, გამოუთქმელი გრძნობით და ასევე შეიგრძნობ სამყაროს თავისი მიკროსა და მაკროს მთლიანობით, როდესაც გრძბობ, რომ შენში ყოველი სისხლის წვეთი თუ უჯრედი გაჯერებულია ნეტარი სიყვარულით, აღმოაჩენ უდიდეს საიდუმლოს-მარადიული სიყვარულის მაჯისცემას და მიხვდები, რომ შენ, ადამიანო, ღვთისგან დადგენილი კანონზომიერების საჭირო და აუცილებელი ნაწილი ხარ. ესე იგი თვითონ ხარ უფლის სიყვარულის ნაყოფი. ასეთ დროს ზოგჯერ ლექსიც იბადება.