შინამოსამსახურის ჩანაწერები -
წიგნი პირველი ამერიკაში წავედი ისე, როგორც მიდიან ჩვენი ქალები - ერთი წლით; ორ წელზე მეტხანს კი დავრჩი.
ვწერდი, რადგან უნდა დამეწერა, თანაც ისე, როგორც ვგრძნობდი, განვიცდიდი და მეწერებოდა.
წერილებს „ქალთა გაზეთი“ აქვეყნებდა „ამერიკული ჩანაწერების“ სახით.
იქ საქართველო და ჩემიანები მენატრებოდნენ, აქ ჩამოსვლისთანავე კი ნიუ-იორკის ქუჩებში ნანახი თავისუფლება და ფერადოვნება მომენატრა. ხოლო თეითებისადმი იქ გაჩენილი სიყვარული, აქ გამიორმაგდა. ამ ჩემს ნაცოდვილარსაც „ჩემი ამერიკა“ დავარქვი და დედაჩემის და მისის თეითის ხსოვნას მივუძღვენი. დაე მაპატიონ ჩემი გულახდილობა. მე სხვაგვარად ცხოვრების უნარი არ მაქვს.