რედაქტორისაგან
ჩვენი გემრიელი ბლოგი, რომელსაც დღეიდან უკვე ელექტრონული ჟურნალის სახითაც გაეცნობით, 2008 წ. მარტში, ურთულეს გამოცდებს შორის რელაქსაციისა და ევროპელებში ქართული კერძების პოპულარიზაციის მიზნით შევქმენი. თუმცა ჩემმა ენთუზიაზმმა დიდხანს ვერ გასტანა, საკმაოდ რთული აღმოჩნდა ეულად მუშაობა და არაქართული ინგრედიენტების გარემოცვაში ქართული კერძების გაკეთება. მალე საქართველოსაც დავუბრუნდი და ბლოგმაც მთლიანად ქართულენოვანი სახე მიიღო.
შემდეგ იყო ფორუმები, ფეისბუქი და ვირტუალურად შეძენილი მეგობრები, რომლებსაც იგივე ინტერესი და ჩემზე ბევრად მეტი ენთუზიაზმი აღმოაჩნდათ, კულინარიულ ონლაინ-მარათონში ჩართულიყვნენ. ბლოგს დღეს უკვე რამდენიმე ავტორი და ათეულობით ათასი მკითხველი ჰყავს.
“ დიდი მადლობა, რომ თქვენი ბლოგი არსებობს. თქვენი დამსახურებით, ჩემი ოჯახის წევრებმა სახლში დაიწყეს საჭმლის ჭამა ” - ერთ-ერთი ყველაზე ორიგინალური და სასიამოვნო კომენტარი იყო, რომლის მსგავსი მკითხველებისგან ყოველდღიურად მოდის და სწორედ ეს გვაბედნიერებს.
ჩვენს ელექტრონულ ჟურნალში თქვენ რეგულარულად გაეცნობით ყველაზე პოპულარულ რეცეპტებს, მიიღებთ პრაქტიკულ რჩევებს “ ნაბიჯ-ნაბიჯ ” , როგორ მიიღოთ უგემრიელესი შედეგი, მიუხედავად იმისა, როგორი კულინარი ხართ, დამწყები თუ პროფესიონალი.
შემოგვიერთდით და გახადეთ თქვენი დღე უფრო გემრიელი, თქვენი ოჯახის წევრები და მეგობრები კი - უფრო ბედნიერი!
ეკა ონიანი
ჩუქება
