1 "უუნაგირო, გაოფლილ ცხენებზე შიშველი ადამიანების ხან დაჭიმული, ხანაც მოდუნებული სხეულები, თანაბრად მეტყველებდნენ ცხოველთან. როცა ველებს გადაივლიდნენ ჯირითით, ცეცხლის პირას სხდებოდნენ და უსმენდნენ თუ როგორ ყვებოდა ბებრეი ჯერონიმო ომის ამბებს."
„ წვიმა ირიბად, მსუბუქი რხევა ყვავილების სამხრეთისაკენ. ნარინჯისფერი შეღამება. გზები,ქუჩები, საყვირების გაბმული კვნესა. გარდაცვალება. ფერთა კვდომა მიმწუხვრისას.
ცრემლი დაშრება და სიყვარული მოვა.
სახეები,უმეტყველო და განსხვავებული, რომლებიც თანაბრად გვანან ერთმანეთს,ზუსტად ისე, როგორც განსხვავდებიან. შობა სიკვდილის შემდეგ და მარადიულად ამომავალი წერტილი.
ნაპირებს მიღმა ჩამავალი მზე, სადაც რუხი კლდე და მზეც ღრუბლებშია გახვეული.კივილი, ჩერდება წამით ყოველივე.
ცა ობობას ქსელებით იხატება, არავინ იცის რომელ მათგანშია უკანასკნელი აზრი, საიდანაც ცოდნა გადმოიღვრება.
წვიმა.ქოლგების გარეშე ავსებული ტროტუარები.რწმენა,განცალკევებული აზრის მიმართ.ინდივიდები,ქალები,კაცები, უსაშველო სურვილი სექსის მიმართ.მღელვარების ტალღა წალეკავს თაობებს, იდეა და იდეოლოგები, რომლის არსიც ქრისტეში მდგომარეობს,ეს ახალი ფუტურიზმია.
ანტიფაშისტური მასონთა ლოჟები, რომლის უმრავლესობა ბენჟამინ ფრანკლინზე ჰყიდის თავს.გამოსვლები. გაუბედავი რეოლუციონერები.
თავისუფლება დიდ ძუძუებს.პოეტები, რომლებიც სულიერი მკვლელობის შემდეგ ცდილობენ მის აღდგენას.უსასრულობაში გატყორცნილი ნაწილაკი.ბუდა, ლაზარე.ანტიგონე ცოცხლობს ყველა კახპაში.
მეტამფეტამინი. ლაზერული ომები.დეკარტი, რწმენის განცალკავება.კიბო ბუდობს უძრავად, ტრაჰენბერგის სისტემა.
ულისე, სამგზის დაკარგული ზღვების მეფე. ჰამლეტი იყნოსავს კოკაინს.მავთულხლართები. ყორნები.მეწამური კლუბები.უდაბნოს ხვაშიადში, ბიბლიის ფურცლები ქვიშით ივსება.
ზამთრის პირველი თოვლი და დაცემული ჯვაროსნები. ტამპლიერები რომლებიც იცავენ საცავს.აღდგენითი სამუშაოები.თეთრი მაღაროელები.უჩინარი ადამიანები.სიკვდილის წინ ფართოდ გახელილ თვალებში დანახული წმინდა მარიამი.
ოქრომ შექმნა ვაჭრობა და ვაჭრობამ გზები. მოთხოვნილებები.კანტი.კამიუ.კიპლინგი.კორტასარი.კოპერნიკი. კალიგულა.კამასუტრა.მოთხოვნილებები მოთხოვნების გარეშე. ადამიანი,გონების დაძაბვის გარეშე, სამართავი როგორც ამომრთველი.
პროტესტანტები. პოსტმოდერნისტები.პოლიტიკოსები.პოლარიზმი.პერსევსი. პლუტარქე.პომპეუს – იულიუსი.პარადიზო. პოპკორნისტები.კინოს მოყვარული საზოგადოება და წითელი პომადის ბირჟის მაკლერები.
სანსკრიტი. იეზუიტების ფართი .შამანები.ფეიერვერკის მსურველნი იაპონელები.
ინტელიგენცია, რომლის ცოდნაც მხოლოდ მარქსზე და სტალინზე დაწერილი წიგნებით არის ნაკვები, ნეხვის ჭიას გვანან.
შიში.ქარების ქროლვა სამხრეთიდან, გადახრილი ლერწმის ღერო. ოკუპირებულ ქვეყანაში გაზრდილი ინტელიგენცია, რეოლუციურ დაჯგუფების თანასწორია.
თანასწორობა, თვითონვე იწვევს უთანასწორობას, ყველა ტერმინი აკნინებს მნიშვნელობის აზრს.ანდალუზიაში მაღალი მუხები აღარ იზრდებიან.
ყველა მონაზონი მუცლით მკვდარ ბავშვს ატარებს.
სირიაში წყლის თოფებით კლავდნენ ბავშვებს.ამერიკის უიშვიათესი პრეზიდენტმა პენისზე აკოცა რუსეთის ფედერაციის საბჭოს მდივანს და ამ უკანასკნელმა,მოშიშვლებულ უკანალზე ეამბორა რომის ახალგაზრდა პაპს, არავინ იცის ვის ემთხვევა თვით პაპი.ბუნებაში არაფერი იკარგება, მხოლოდ გვიმალავენ დანაკლისს.და ავღანეთსა თუ სირეაში, აფრიკის ცხელ მიწებსა თუ თანამედროვე ამერიკულ ოჯახებში კლავენ და სცემენ, სცემენ და კლავენ მას ვისაც ძალის ძლიერებით ჩაგრავენ.
ნეტარხსენებული ავგუსტინე.წმინდა თომა.ღირსხსენებული მამა ადრიანე და სხვა ფრთოსნები სდუმან. ეს ალუზიის დაბადება.მეტაფიზიკა და ალქიმიის ნაზავი. მოკალი და იბატონე.
ღრმად ჩაისუნთქე ჰაერი, რომელიც დაბინძურებულია მავნე ნივთიერებებით. “
ფრთებ დაჭრილი კაცი მდინარიდან ამოდის,ხიდს გადასერავს და დაქანცულ უკანალს ასვენებს.ფიქრები. სასიამოვნო აზრს ბადებენ. იგი ხვდება რასაც შეუძლებელია ადამიანი ჩაწვდეს.ბრძოლის დასაწყის გამარჯვებას გმირები გრძნობენ. გაილასლასეს.გადაფარეს ყორნებმა ზეცა.შეაღწია და მოისმინა.თითქოს ისე მარტივი იყოს, როგორც ატმის კურკის გამოცლა.
„ მე ვარ უფალი ღმერთი შენი...
პონს გააჭენებ და ყველა ბუცეფალს უკან იტოვებ.ყველა აღმოჩენას სიხარულთან ერთად თან ახლავს იმედგაცრუება, რადგან აღმოჩენის სიღრმეებში წვდომას ფუნქციური მოშლა მოაქვს სხეულთათვის.წვეთები საქარე მინაზე. მელანქოლია.
სული უფრო მტკიცეა ვიდრე სხეული, და მძიმე ვიდრე ჰაერის სიმსუბუქე ერთ კვადრატულ მეტრზე.
უნაყოფო ნიადაგზე ბალახი ამოიზარდა. სამარელ ჯადოქარს ბაბილონის დედოფალი შეუყვარდა.მუმია ფიქრობს დანტე ალიგიერის პოზაში.პოეტი რომელიც მოაზროვნეს ჰგავს ვერ დაწერს ლექსებს.ნელსონი. ნაბუკოვი.ნოტომი. ნირვანა.ნულის ტოლფასია ის რაც არ იძვრის და მუდმივ მოძრაობაშია. ცა არცთუ ისე შორია, ნეპალში ამგვარი ცა მწვერვალებს დაბლაა, იქ ადამიანი ღმერთია და თვით ღმერთია ადამიანი, რა საჭიროა იესოს არსებობა.
ფიქრი მონომენტური.მონატრება. უხილავი მხარეები.მეტამფსიქოზი. ზღვარი საზღვრებს მიღმა. რაინის ოქრო,ღმერთების შესვლა ვალჰალაში. კაცი ფრთებ მოსხიპილი ნეტარი სახით. ლოცვის სიმფონია.ჰაერი ინახავს ხმებს. და ქრება. და იბადება.და იღვიძებს, რაღაც ახალი ამოხეთქავს მის წიაღიდან. სასოწარკვეთის ხიდი. ხიდი უკანასკნელთა გამვლელთათვის. “
პირველი გამვლელი;
“ ასოცდაჩვიდმეტი, ასოცდათვრამეტი მხოლოდ ეს არის, რატომღაც ეს ხიდი უფრო გრძელი მეგონა და მხოლოდ და მხოლოდ ასოცდათვრამეტი ღამის განათების ქვედა სანათი აქვს, ორასი მეტრიც კი არ იქნება. რა პატარა ქვეყანაში ვცხოვრობთ და უცხოელების შემოსვლას ვაპროტესტებთ,ისე რომ ოკუპანტთა ბედი არავის აღელვებს.სუფრის თამადები კი სიტყვას გაისიგრძეგანებენ და ქოთქოთს ამოუშვებენ, ვითარც დედალი კენტავრი მყრალ სუნს. ასე მარტივად და გაუცნობიერებლად მივდივართ გადაგვარების ზღვარზე, თანაც ეს გადაგვარება ზოგიერთს წმინდა სასუფეველში შესვლასავით ეჩვენება.სახელმწიფო მართველი,რომ ვიყო განათლების რეფორმასთან ერთად, გადაჭარბებულ ისტორიულ განდიდების სულისკვეთებით დაწერილ ტექსტებს გავაქრობდი,შემდეგ
ჩუქება
