ქვიდან მოსრიალებული მადლი

ვახო სალია

2013 წელი | მათიკოს წიგნები

დეტექტივი | უფასო

9,924 ნახვა

4.9

(0 რეცენზია /10 შეფასება)

მსურს წავიკითხო

ჩემი რჩეული

ყიდვა

ანოტაცია

რა აზრი ჰქონდა მიხეილ ჯავახიშვილის პერსონაჟის კვაჭი კვაჭანტირაძის პროტოტიპად მეცნიერის, ინჟინრის, მეცენატის, ბიზნესმენის, დიპლომატის ვასილ დუმბაძის გამოცხადებას? გეტყვით. ვასილ დუმბაძე გასული საუკუნის ოცდაათიანი წლების დასაწყისში იყო დამოუკიდებელი საქართველოს ოფიციალური წარმომადგენელი ამერიკის შეერთებული შტატების სენატში და სწორედ მისთვის სახელის გასატეხად დაიყარა ეს ხმები. გულსატკენია, რომ ჭორების გავრცელებაში საზოგადოებისთვის ღირსებით გამორჩეული ადამიანები მონაწილეობდნენ. სინამდვილეში კვაჭი კვაჭანტირაძე ცნობილი მიხეილ წერეთლის განსახიერებაა. ხოლო თუ რომელი მიხეილ წერეთლისა, ამის შესახებ რომანიდან გაიგებთ. თუმცა ეს წიგნი სულ სხვა ამბებსა და სხვა ადამიანებზე მოგვითხრობს.რომანოვების რუსეთში დაბადებული ქართველი თაღლითები, საქმიანი ადამიანები, პატრიოტები, სოციალ-დემოკრატიული შიზოფრენიით დაავადებულები ენერგიულად მოღვაწეობდნენ პირველი მსოფლიო ომის დროს. ჯაშუშურ-ავანტიურულ რომანში აღწერილი პერსონაჟები, გარემოებები და მოქმედებები ზოგჯერ რეალურს ჰგავს, მაგრამ ეს ყოველივე ავტორის წარმოსახვის შედეგია. ნაწარმოებში გამოყენებულია ლაშა ბაქრაძის, კალისტრატე სალიას, ალექსანდრე ტარსაიძის და სხვა მეცნიერების შრომები. რედაქტორია ქეთი კობიაშვილი

ვრცლად

რეკომენდებული ელ. წიგნები

დაწვრილებით ელ. წიგნის შესახებ

რა აზრი ჰქონდა მიხეილ ჯავახიშვილის პერსონაჟის კვაჭი კვაჭანტირაძის პროტოტიპად მეცნიერის, ინჟინრის, მეცენატის, ბიზნესმენის ვასილ დუმბაძის გამოცხადებას? გეტყვით. ვასილ დუმბაძე გასული საუკუნის ოცდაათიანი წლების დასაწყისში იყო დამოუკიდებელი საქართველოს ოფიციალური წარმომადგენელი ამერიკის შეერთებული შტატების სენატში და სწორედ მისთვის სახელის გასატეხად დაიყარა ეს ხმები. გულსატკენია, რომ ჭორების გავრცელებაში საზოგადოებისთვის ღირსებით გამორჩეული ადამიანები მონაწილეობდნენ. სინამდვილეში კვაჭი კვაჭანტირაძე მიხეილ წერეთლის განსახიერებაა.ხოლო თუ რომელი მიხეილ წერეთლის, ამის შესახებ რომანიდან გაიგებთ.

ელ. წიგნის მახასიათებლები

ISBN - 13:

ISBN 978-9941-0-6118-9

სათაური:

ქვიდან მოსრიალებული მადლი

ავტორი:

ვახო სალია

გამომცემელი:

მათიკოს წიგნები

გამოცემის თარიღი:

2013

გვერდები:

240

კატეგორია:

დეტექტივი

ნახვები:

9924

რეიტინგი:

4,9

მკითხველთა რეცენზია

საშუალო შეფასება

(10) რეცენზია

4.9

რეიტინგის განაწილება

5

[9]
4

[1]
3

[0]
2

[0]
1

[0]

წიგნის შესახებ

ქვიდან მოსრიალებული მადლი

ვახო სალია

9924 ნახვა

წასაკითხი

რჩეული

0 ლარი

ყიდვა

სარჩევი

ყდა
***
1914 წლის ივლისი, ტფილისის გუბერნია
1914 წლის აგვისტო-სექტემბერი
1914 წლის ოქტომბერი
1914 წლის ნოემბერ-დეკემბერი
1915 წლის იანვარი
1915 წლის თებერვალი
1915 წლის მარტი
1915 წლის აპრილი
1915 წლის ივნისი-დეკემბერი
1916 წელი
1917 წლის მარტი
1916 წელი, 8 ივლისი ლაზისტანი
1917 წლის 13-14 აპრილი
1917 წლის 14 აპრილი
1917 წლის 15 აპრილი
1917 წლის16 აპრილი
1917 წლის ბოლომდე
1918 წელი
1921 წელი
1922-1933 წლები
1935 წელი, 30-31 მარტი, ნიუ-იორკი

*** ” ოღონდ არც ერთ თქვენგანს არა ევნოს რა, როგორც მკვლელს ან ქურდს, ბოროტმოქმედს ან სხვისა საქმეში ჩამრევს ”
(მოციქულ პეტრეს პირველი წერილი, თავი მეოთხე)

1914 წლის ივნისი, ბერლინი

მერსედეს-სიმპლექსი, 1902 წლის მოდელი

ავტომობილი ღამის უკაცრიელ ქუჩას მიუყვებოდა. გრეხილი რკინის ჩუქურთმებით მოკაზმული ოთხკუთხა ფარანი რკინიგზის გადასასვლელთან იდგა და იქაურობის განათებას ცდილობდა. ბოძის შუაში მიმაგრებული სემაფორის კვერთხი თანდათან გადმოიხარა, რამდენიმე წამში ჰორიზონტალურ მდგომარეობაში გაჩერდა და წითლად აციმციმდა. გიორგი მაჩაბელმა მუხრუჭის სატერფულს ფეხი დააჭირა. ძველმა ” მერსედეს-სიმპლექსმა ” ორიოდე მეტრი კიდევ გაიარა და გაჩერდა.
მარჯვნიდან ჯერ პროჟექტორის შუქი გამოვარდა, შემდეგ ორთქმავლის საყვირის ხმა გაისმა.
ახლომდებარე ” ალექსანდერ პლაცის ” ვაგზლისკენ ზანტად მოძრავმა მატარებელმა ქშენა-ქშენით და ჭრიალით ჩაიარა.
ბორბლების რაკარუკი მინელდა თუ არა, რკინიგზის გადაღმიდან ვნებისაღმძვრელი კისკისი გაისმა. გიორგიმ უნებლიეთ იქითკენ გაიხედა. გულია უძღები, თორემ ქმრის მოღალატე ცეცხლოვანი საყვარლის საწოლიდან ათიოდე წუთის წინ წამომდგარ 29 წლის ქართველ თავადს ახლა დანციგერ შტრასეზე თავის ბინაში ერთგულად მომლოდინე თეთრი ბალიში და მასზე ძილი ერჩივნა მთელი დუნიის მანდილოსნებს. თვალი ჯერ ავტოს ფარების ძლიერმა შუქმა მოსჭრა, შემდეგ კი _ ახალთახალი, პრიალა, თეთრი ” მერსედეს-კნაითის ” ბრწყინვალებამ. ბერლინში 1913 წლის ეს მოდელი ჯერჯერობით თითზე ჩამოსათვლელი იყო. თბომავალს ჩამორჩენილი ორთქლის პატარ-პატარა ღრუბლები ჯადოსნურ გარემოს ჰქმნიდა. მწვანე ლივრეაში გამოპრანჭულ მძღოლს თავი ამაყად ეჭირა. უკანა სავარძელში ქალი და ვაჟი ალერსით ტკბებოდნენ. სემაფორის კვერთხი აიწია. საზეიმო განწყობაზე მყოფმა ავტომობილმა სიჩქარე სწრაფად აკრიფა, გიორგის გვერდზე ჩაუქროლა და ბედნიერი წყვილის მხიარული ჟღურტულიც თან გაიყოლა.
ქალის და მამაკაცის შეხმატკბილებული ხმები უხდება დედამიწას.
ჩემს მანქანასა და ამ მერსედესს შორის განსხვავება ზედმიწევნით ასახავს გერმანიის პროგრესის სიჩქარესა და ხარისხს უკანასკნელი თორმეტი წლის განმავლობაში. ქართველები კი ამ დროს სად ჯანდაბაში ვართ?! - სინანულით გაიფიქრა ახალგაზრდა კაცმა.
1902 წელს გამოშვებული ბებერი ” მერსედეს-სიმპლექსი ” დინჯად დაიძრა, რელსებზე ფრთხილად გადავიდა და გრეიფსვალდერ შტრასეზე კოხტად დაგებულ ქვაფენილზე ლაღად გასრიალდა; მერე რა, რომ თორმეტი წლის იყო?! თავის მოვალეობას პირნათლად ასრულებდა. მალე დანციგერ შტრასეს მიუახლოვდა. ირგვლივ სულიერი არ ჭაჭანებდა. გზაჯვარედინამდე ორმოცდაათიოდე მეტრი რჩებოდა.
გზის ეს მონაკვეთი დაბალი სიჩქარით გაიარე; გაჩერდი. გაიხედე წინ, მერე _ აქეთ, მერე _ იქით. დარწმუნდი, რომ სხვებს მოძრაობაში არ უშლი ხელს და ფრთხილად მოუხვიე. ხო, ხელის გვერდზე და, აუცილებლად, ჰორიზონტალურად გაწევა არ დაგავიწყდეს. არა! ამათ ნამდვილად ძმარავთ! - გაიფიქრა გიორგიმ. იმავე წამს, მთელი გერმანიის ჯინაზე, მოძრაობის საპირისპირო მხარეს გადავიდა, მარცხნივ, მოკლეზე, დიაგონალზე ჩაჭრა და, მოსახვევში შევიდა თუ არა, წინ კვერთხაღმართული პოლიციელი დაინახა.
მოძრავი მანქანის ანცმა შუქმა წესრიგის დამცველის ჩაფხუტის აბზინდა, ქამრის ბალთა, ნომრიანი ჟეტონი, რვავე ღილი და მარჯვენა ხელის არათითზე საქორწინო ბეჭედი აალაპლაპა.
გიორგიმ დაამუხრუჭა, მაგრამ ძრავა არ გამოურთავს.
ნეტავი, დილის ოთხ საათზე, უკაცრიელ ქუჩაში, ფაქტობრივად არარსებული მოძრაობის პირობებში, მოძრაობის წესების დაცვის სადარაჯოზე მდგომი ამ ადამიანის და მისი აქ გამწესებლის ტვინში ჩამახედა. აი, ესაა ამათი მექანიკური წესიერება. - დაასკვნა ახალგაზრდა ქართველმა.
ჰაერი გააპო ნაწრთობმა მკაცრმა ხმამ:
- საპატრულო პოლიციის ფელდფებელი ვილი ლემანი! თქვენი საბუთები, თუ შეიძლება!
***
მამაკაცმა ჩაბნელებულ დერეფანში ფარნის შუქით საკლიტე იპოვა. გასაღები მოარგო და ორჯერ გადაატრიალა. კარი შეაღო. ბინაში ფრთხილად შეაბიჯა. ფეხებთან გაინათა. იატაკზე მოყვითალო ფერის კონვერტი ეგდო.
გიორგი დაიხარა და გზავნილი აიღო. სამუშაო მაგიდას მიუახლოვდა, ელექტროლამპა ჩართო. ფარანი გამორთო და მოციქულ პეტრეს პირველ წერილზე გადაშლილ სახარებაზე დადო. კონვერტი დაულუქავი და უმარკო იყო. შიგ პატარა ფურცელი აღმოჩნდა. შუქთან ახლოს მიიტანა. არაფერი მნიშვნელოვანი; სახლის მეპატრონე მორიდებით ითხოვდა მიმდინარე თვის დავალიანების დაფარვას. ახალგაზრდა კაცმა წერილი მოისროლა, იდაყვებით მაგიდას დაეყრდნო და თავი ხელისმტევნებში ჩარგო:
თარსი დილაა. ამ უფულობის დროს პოლიციის პატრულმა სოლიდურად დამაჯარიმა. ეს ბინის გადასახადიც გამოტყვრა. ახალ საქმესაც არ უჩანს პირი. მოიცა. რა დროს ქირის გადახდაა?! ფრაუ იუტას ანგარიში ხომ ორი კვირის წინ გავუსწორე?!
გიორგიმ მიგდებული ფურცელი აიღო, დახედა; ხელწერა არ ეცნო. უნებლიეთ დაყნოსა. ვაშლის სურნელი ეცა.
შემდეგ ყველაფერი ავტომატურად მოხდა.
წერილის მარჯვენა კუთხე ნათურას მიადო. გახურებული ქაღალდის სასიამოვნო სუნი იგრძნო თუ არა, ფურცელი გამოსწია და ყურადღებით დააკვირდა. სითბოს ზემოქმედების შედეგად ყავისფრად გამოკვეთილიყო უხილავი მელნით დახატული პატარა ტევტონთა ორდენის ჯვარი.
***
ბერლინის სამთო აკადემიის ბოლო