მხიარული ეზო თბილისის ერთ ძველ უბანში
ერთი ლამაზი ეზოა.
იქ, მხიარული ბავშვების
ნამდვილი სამფლობელოა.
წამო და ერთად შევაღოთ
ეს ძველებური ჭიშკარი,
გესმის, რა ჟრიამულია ?!
ახლა სუყველა იქ არის !
ნახე, რამდენი ბავშვია !
ლახტით, ბურთით და რგოლებით
(ფერადი აივნებიდან
გადმოგვყურებენ მშობლები),
ცოტა დრო დარჩათ მათ, სანამ
მთვარე ვარსკვლავებს შეხვდება,
მერე კი ყველას სახლებში
დღის ჟრიამული შეჰყვება.
ხვალ სათითაოდ გაგაცნობ,
ახლა კი, შენც დაიძინე
და ჭრელა-ჭრულა სიზმრებში
მთა და ზღვა გადაიფრინე.
ჩუქება
